ممبئي (ڪلچرل ڊيسڪ) بالي ووڊ ڪنگ شاهه رخ خان چيو آهي ته هو هڪ ٻار وانگر خواهش رکي ٿو، جيڪڏهن مون کان ڪير پڇندو آهي ته کيس چوندو آهي ته آئون 250 سال جيئندس. هندستاني ميڊيا تي هڪ وڊيو شيئر ڪئي وئي آهي، جيڪا شاهه رخ خان جي ريڊٽ سميت مختلف سوشل ميڊيا پليٽ فارمن تي ٽرينڊنگ ڪري رهي آهي. ويڊيو ۾ ڊائريڪٽر ۽ ڪوريوگرافر فرح خان شاهه رخ خان کي ٻڌائي رهي آهي ته توهان جو هڪ پراڻو انٽرويو ڪلپ هڪ ڀيرو ٻيهر سوشل ميڊيا تي وائرل ٿي رهيو آهي، جنهن ۾ ميزبان توهان کان پڇيو هو ته توهان جو اسٽارڊم ڪڏهن ختم ٿيندو؟ جنهن تي شاهه رخ چيو هو ته هو ايندڙ 100 سالن تائين اسٽار رهندو.
