آئيني عدالتن بابت بل قانون بڻجي چڪو، بل متن ۽ گزيٽ نوٽيفڪيشن جاري نه ٿي سگهيو!

ڪراچي (اسٽاف رپورٽر) سنڌ هاءِ ڪورٽ جي آئيني سنڌ جي گورنر پاران آئيني عدالتن بابت جاري ڪيل آرڊيننس خلاف درخواستن جي ٻڌڻي ٿي، جسٽس يوسف علي سعيد رمارڪس ۾ چيو ته هن معاملي ۾ ڪهڙي اڳڀرائي ٿي آهي؟درخواستگذار جي  وڪيل چيو ته ڄاڻايو ويو آهي ته بل سنڌ اسيمبلي ۾ پيش ڪيو ويو هو، بل قانون بڻجي چڪو آهي، پر بل جو متن ۽ گزيٽ نوٽيفڪيشن اڃا تائين جاري نه ڪيو ويو آهي، سرڪاري وڪيل چيو ته بل اسيمبلي مان منظور ٿيڻ کان پوءِ قانون بڻجي چڪو آهي، تنهن ڪري درخواست کي غير موثر قرار ڏنو وڃي، وڪيل چيو ته عمل ۽ طريقيڪار جو هي معاملو، قانون سازي ۾ ڪهڙيون تبديليون ڪيون ويون آهن، عدالت کي جاري ڪيو وڃي، عدالت سنڌ حڪومت کان چئن هفتن اندر مڪمل رپورٽ طلب ڪئي آهي، آرڊيننس جي سيڪشن 6 ۾ آئيني بينچن تي مقرري کان انڪار کي بدانتظامي قرار ڏنو ويو آهي، درخواستگذارجي وڪيل چيو ته معاملو سپريم جوڊيشل ڪائونسل ڏانهن موڪليو ويندو، سپريم ڪورٽ يا هاءِ ڪورٽ ۾ مقرري کي تسليم نه ڪرڻ تي آئين ۾ سزا آهي، درخواست گذار جي وڪيل چيو ته آئيني بينچن جي مقرري کي تسليم نه ڪرڻ تي آئين ۾ ڪا سزا ناهي،قائم مقام گورنر ڪيئن سزا ڏئي سگهي ٿو، درخواستگذار جي وڪيل چيو ته گورنر ججن جي بدانتظامي جو تعين ڪيئن ڪري سگهي ٿو؟ ججن جي غير جانبدار رهڻ لاءِ، انتظاميه جي مداخلت کي ختم ڪرڻ گهرجي، صدر ۽ گورنر عدالت ڏانهن جوابده نه آهن، پر ڪيترن ئي ڪيسن ۾ انهن کي ڌر بڻايو ويندو آهي، درخواستگذار جي وڪيل چيو ته ايمرجنسي ۾ گورنر آرڊيننس جاري ڪري سگهي ٿو، 26هين ترميم تحت آرٽيڪل 202A ۾ ترميم کي هڪ سال گذري ويو آهي، هڪ سال کان پوءِ ڪهڙي قسم جي ايمرجنسي آئي جو قائم مقام گورنر کي اسيمبلي جي بدران آرڊيننس جاري ڪرڻو پيو، سنڌ اسيمبلي جا اجلاس باقاعدگي سان ٿي رهيا آهن، اسيمبلي قانون سازي ڇو نٿي ڪري؟ آرڊيننس عدليه تي حملو آهي.