آمريڪا، ايران ۽ برطانيا مان شاديون ڪيون، مينا ڪماري ماسي هئي: لڪي علي

ممبئي  (شوبز نيوز) ڀارت جي مشهور گلوڪار ۽ اداڪار لڪي علي پنهنجي زندگي جي اهم پهلوئن تي روشني وڌي آهي ۽ انڪشاف ڪيو آهي ته هن 3 مختلف ملڪن ۾  3 شاديون ڪيون پر  انهن مان ڪا به شادي ڊگهي عرصي تائين هلي نه سگهي،، 67  سالن جي لڪي علي انٽرويو دوران پنهنجي زندگي بابت گهڻو  ڪجهه ٻڌايو.  جتي هن آمريڪا، ايران ۽ برطانيا ۾ شادين ڪرڻ جو اعتراف پڻ ڪيو، سندس چوڻ هو ته، “مون زندگي ۾ محبت ۽ احترام جا رشتا قائم رکڻ کي اهميت ڏني، شاديون ختم ٿي ويون، پر محبت ۽ احترام جو رشتو  آهي، جيڪو  اڄ به قائم آهي.”  لڪي علي پنهنجي والد محمود علي جي سختين ۽ محبت جو پڻ ذڪر ڪيو ۽ چيو ته، “والد جي تربيت مان گهڻيون ڳالهيون سکڻ کان مليون، جن زندگي ۾ مختلف فيصلا ڪرڻ ۾ مدد ڏني.”هن شوبز انڊسٽري کان پاسيرو ٿيڻ  بابت چيو ته 2015 ۾ بدسلوڪي ۽ بوريت سبب بالي ووڊ کي ڇڏي ڏنو. لڪي علي جو چوڻ آهي ته، “اڄ به، پنهنجي موسيقي ۾ سچائي کي بنيادي اهميت ڏيان ٿو، ماڻهن کي خالص فن پسند آهي، پر جيڪڏهن اهو اُنهن جي معيار مطابق نه هجي ته اُهو رد به ڪري سگهن ٿا.” لڪي علي اهو پڻ چيو ته، “مون پنهنجي زندگي ۾ نصيرالدين شاهه، شبانه اعظمي ۽ اوم پوري کان گهڻيون ڳالهيون سکيون آهن

. شوبز جي دنيا ۾ پاڻ کي هميشه الڳ محسوس ڪيو آهي.”هن پنهنجي خاندان جو به ذڪر ڪيو، جنهن ۾ مشهور ڪاميڊين محمود علي ۽ ڏاڏي ڏاڏي جا ثقافتي اثر شامل آهن. لڪي علي انڪشاف ڪيو ته، “مينا ڪماري منهنجي ماسي  هئي، مان اُن کي پنهنجي ماءُ جهڙو سمجهندو هوس. مان اسڪول کان ڀڄي ان سان ملڻ ويندو هوس.” لڪي علي جو موقف آهي ته محبت ۽ لاڳاپا ئي سڀ کان اهم آهن