آمريڪا ۽ اسرائيل ايراني ثقافت جا دشمن: هزارين سال قديم آثار نشانو، لک 13 هزار گهر تباهه

تھران (م ڊ) ايراني ريڊ ڪريسنٽ سوسائٽي مطابق آمريڪا-اسرائيلي حملي جنگ دوران 113,000 کان وڌيڪ شهري جڳهن کي نقصان پهچايو ويو آهي. ان ۾ 90,063 گهر، 21,059 واپاري مرڪز ۽ 760 تعليمي ادارا شامل آهن. ايران جي ثقافت ۽ سياحت واري وزارت مطابق حملن ايران جي ثقافتي جڳهن کي به نشانو بڻايو آهي، جن ۾ 56 عجائب گھر ۽ تاريخي يادگار شامل آهن. نقصان پهچندڙ هنڌن ۾ اصفهان جو 17 ھين صدي جو چهل ستون محل ۽ مسجد-اي جام – ايران جي سڀ کان پراڻي جامع مسجد شامل آهن. ايران جي ثقافت ۽ سياحت واري وزير رضا صالحي اميري چيو ته اهڙا حملا ايراني سڃاڻپ تي حملا آھن جن جو ڪو به قانوني بنياد ناهي. سڀ کان وڌيڪ نقصان تهران ۾ ٿيو آهي، جتي 19 جڳهيون متاثر ٿيون. انهن ۾ گلستان محل، شاھي بازار ۽ اڳوڻي سينيٽ جي عمارت شامل آهن. اصفهان، ڪردستان، لورستان، ڪرمانشاه، بوشهر ۽ ايلام صوبن ۾ تاريخي ماڳ متاثر ٿيا. انهن ۾ اصفهان ۾ نقش جهان اسڪوائر جا حصا شامل هئا، جيڪو گلستان محل وانگر، يونيسڪو جي عالمي ورثي واري جڳهه آهي. سنندج، خرم آباد ۽ سيراف شهرن ۾ عجائب گھر ۽ تاريخي ڪمپليڪس پڻ متاثر ٿيا. گلستان محل قاجار دور جو آهي. گلستان محل جي ڀتين تي فارسي دستڪاري ۽ فن تعمير کي يورپي نقشن ۽ اندازن سان گڏائي ٺاهيو ويو آهي. ان ۾ باغ، تلاءَ ۽ زيور شامل آهن. محل جي آئيني جي ڇت ٽٽي پئي آھي محراب، دريون ۽ شيشي جون ڀتيون ٽوڙيون ويون آھن. نقش جهان اسڪوائر ۾ مسجدون ۽ محلات آھن. لورستان صوبي جي خرم آباد ۾ فلڪ الافلاڪ قلعي کي به نقصان پهتو.