آمريڪا ۾ 19 ڀيرا چونڊيل اڳوڻي اسپيڪر نينسي پلوسي جو رٽائرمنٽ جو اعلان

واشنگٽن(م ڊ) آمريڪي ايوان نمائندگان جي اڳوڻي اسپيڪر نينسي پيلوسي سرڪاري طور تي پنهنجي ڏهاڪن جي سياسي ڪيريئر جي خاتمي جو اعلان ڪندي سياست ڇڏي وئي آهي. 85 سالن جي نينسي پيلوسي هڪ وڊيو پيغام ۾ چيو ته هوءَ چاهي ٿي ته سان فرانسسڪو جا ماڻهو پهرين اها خبر ٻڌن ته هوءَ ايندڙ چونڊن ۾ ڪانگريس لاءِ نه وڙهندي. نينسي پيلوسي هن وقت ڪانگريس ۾ پنهنجو 19 هون مدو پورو ڪري رهي آهي، جيڪو 3 جنوري 2027ع تي ختم ٿيندو. هن اڳوڻي صدر بارڪ اوباما جي دور ۾ تاريخي صحت جي سار سنڀال جي سڌاري واري بل جي منظوري ۾ اهم ڪردار ادا ڪيو، جڏهن ته هن اڳوڻي صدر جو بائيڊن جي دور ۾ ايوان مان انفراسٽرڪچر ۽ موسمياتي تبديلي سان لاڳاپيل اهم قانون سازي پاس ڪرائي.