استحڪام لاءِ صدر، وزيراعظم، نوازشريف، عمران خان ۽ “هڪ ٻي شخصيت” وچ ۾ ملاقات جي تجويز: احتجاج سڏ واپس ورتو وڃي: وفاقي حڪومت

اسلام آباد (م ڊ) وفاقي حڪومت جي نمائندي ملڪ ۾ بحران جي خاتمي لاءِ نواز، شهباز شريف، صدر آصف زرداري، عمران خان ۽ هڪ اهم شخصيت جي ملاقات جي تجويز ڏئي ڇڏي. وزيراعظم جي صلاحڪار رانا ثناءُ الله جو چوڻ آهي ته جيڪڏهن ملڪ جي پنجن وڏن وچ ۾ اعتماد وڌائڻ لاءِ رابطو هجي ته صورتحال بهتر رخ ۾ هلي سگهي ٿي. نجي ٽي وي چينل جيو نيوز جي پروگرام ڪيپيٽل ٽاڪ ۾ ڳالهائيندي رانا ثناءُ الله چيو ته جيئن 2025 ۾ سٺيون خبرون آيون، اميد آهي ته 2026 وڌيڪ معاشي استحڪام جو سال هوندو. وزيراعظم جي صلاحڪار چيو ته جن سوشل ميڊيا اڪائونٽس ذريعي ادارن خلاف مهم هلائي پئي وڃي، انهن کي بند ڪيو وڃي، پي ٽي آءِ قيادت اهو چئي بچي نٿي سگهي ته انهن جو انهن اڪائونٽس تي ڪو به ڪنٽرول يا تعلق ناهي. رانا ثناءُ الله چيو ته پي ٽي آءِ قيادت کي انهن اڪائونٽس ۾ پنهنجي عدم دلچسپي جو اظهار ڪرڻ گهرجي ۽ انهن کي بند ڪرڻ گهرجي. جيڪڏهن صرف انهن اڪائونٽس ذريعي پروپيگنڊا ڪرڻي آهي ته پوءِ مخالف سياسي پارٽين ۽ سياستدانن سان گڏ ڪيئن هلي سگهبو؟ هن چيو ته پي ٽي آءِ جي 8 فيبروري جي هڙتال جي اپيل ناڪام ٿيندي، پي ٽي آءِ ڦيٿو جام ڪري نه سگهندي ۽ ان کي وڌيڪ نقصان ٿيندو. رانا ثناءُ الله چيو ته جيڪڏهن 8 فيبروري تي تحريڪ کي روڪڻ جي ڪوشش ڪئي وئي ته انهن کي ٻيهر احتجاج ڪرڻ لاءِ چيو ويندو، پي ٽي آءِ کي احتجاج جي ڪال واپس وٺڻ گهرجي. هن چيو ته ملڪ جا 5 وڏا ماڻهو آهن، انهن جي وچ ۾ اعتماد وڌائڻ لاءِ قدم کڻڻ گهرجن، رابطو هجڻ گهرجي، جيڪڏهن هي رابطو ڪيو وڃي ته صورتحال بهتر رخ ۾ اڳتي وڌي سگهي ٿي. رانا ثناءُ الله چيو ته انهن 5 وڏن ماڻهن ۾ نواز شريف، شهباز شريف، آصف زرداري، پي ٽي آءِ باني عمران خان ۽ هڪ ٻي شخصيت شامل آهي، جيستائين انهن 5 شخصيتن جي وچ ۾ اعتماد پيدا ڪرڻ لاءِ قدم نه کنيا ويندا، ڪو به بريڪ ٿرو نه ٿيندو، منهنجي ۽ عامر ڊوگر جي رابطن ذريعي ڪو به بريڪ ٿرو نه ٿيندو. هن چيو ته هِن تجويز ۾ پيپلز پارٽي به اسان سان گڏ آهي، پي ٽي آءِ ادارن جي قيادت خلاف ڪردارڪشي بند ڪري ته باني سان ملاقات جو رستو نڪري سگهي ٿو،