اسلام آباد مان رٽائرڊ برگيڊيئر پٽ ۽ مهمان سميت اغوا

اسلام آباد (بيورو رپورٽ)  اسلام آباد جي ايف ايٽ ٿري سيڪٽر مان ٽي ڄڻا مبينا اغوا ٿي ويا، واقعو مارگلا ٿاڻي جي حد هائوس نمبر 20 اي  اسٽريٽ 10 ۾ واقعو پيش آيو. پوليس کي اطلاع ڏنو ويو ته 15 کان 20 نقاب پهريل ماڻهو گهر ۾ داخل ٿي بريگيڊيئر (ر) عظمت، اُن جي پٽ رضا علي ۽ مهمان چوڌري گذريل رات دير سان زبردستي اغوا ڪري کڻي ويا. پوليس ذريعن مطابق بريگيڊيئر عظمت 2012 ۾ ڊائريڪٽر آءِ ايس پي آر طور رٽائر ٿيو آهي. ايس ايچ او مارگلا نفري سميت واقعي واري هنڌ پهچي شاهديون گڏ ڪيون ۽ مقامي ماڻهن جا بيان رڪارڊ ڪيا ۽ علائقي جي سي سي ٽي وي ڪيمرائن جو جائزو ورتو.