اسمٿ جي رن نه وٺڻ بعد بابر اعظم جي رويي تي ڪرڪيٽر مايوس

سڊني (اسپورٽس نيوز) بگ بيش ليگ ۾ آسٽريلوي ڪرڪيٽرن اسٽيو سمٿ ۽ بابر اعظم جي وچ ۾ رن نه وٺڻ جو معاملو اڃا تائين آسٽريلوي ميڊيا ۾ بحث هيٺ آهي. بابر اعظم اسٽيو سمٿ جي رويي تي بي عزتي محسوس ڪئي ۽ ناراض ٿي ويو. ميچ کان پوءِ ڪمري ۾ رهيو ۽ ڪنهن سان به نه مليو. بابر اعظم سڊني ٿنڊر جي رانديگرن سان هٿ ملائڻ لاءِ ڪرڪيٽ گرائونڊ ۾ نه آيو. ڪوچ به ان دوران ساڻس ڳالهائڻ جي ڪوشش ڪئي. آسٽريليا جي ميڊيا جي دعويٰ آهي ته اسٽيو سمٿ 10 هين اوور ۾ بابر اعظم کي چيو هو ته هو پاور سرج اوور جي پهرين بال کيڏندو، اسٽيو سمٿ هن اوور ۾ 32 رنسون ٺاهيون پر بابر اعظم خوشي جو اظهار نه ڪيو. آسٽريليا جي اڳوڻي ڪرڪيٽر مارڪ وا، بابر اعظم جي آئوٽ ٿيڻ کان پوءِ بائونڊري کي بيٽ هڻڻ تي تبصرو ڪندي چيو ته جيڪو به محسوس ڪري رهيا آهيو، ان جو اظهار نه ڪريو، اهو ٽيم جي ماحول لاءِ سٺو ناهي، مون کي خبر ناهي ته هو ڪٿي ويو پر ميچ کان پوءِ گرائونڊ تي نه اچڻ سٺو نه هو، بابر اعظم کي خوش ٿيڻ گهرجي ها ته حڪمت عملي ٽيم لاءِ سٺي هئي. انگلينڊ جي اڳوڻي ڪپتان مائيڪل وان چيو ته ڪڏهن ڪڏهن راندين ۾ اهڙا فيصلا ٿيندا آهن جيڪي توهان کي پسند نه هوندا آهن. اڳوڻي آسٽريليا جي ڪرڪيٽر ايڊم گلڪرسٽ چيو ته مون کي اهو سڀ ڪجهه ڏسي مايوسي ٿي. هو هڪ ڪلاس پليئر آهي، هو ٽورنامينٽ ۾ تمام سٺو رهيو آهي. ٻئي طرف ٻي ميچ کان اڳ اسٽيو سمٿ کان بابر اعظم بابت پڇيو ويو ته ڇا توهان ۽ بابر اعظم جي وچ ۾ شيون بهتر ٿي ويون؟ اسٽيو سمٿ کلندي جواب ڏنو ته اسان هڪ ٻئي سان ڳالهايو، بابر ان رات سٺي بيٽنگ ڪئي هئي، اسان گولف بابت ڳالهايو، توهان ضرور اهو اسڪرين تي ڏٺو هوندو.