القادر ٽرسٽ ڪرپشن ڪيس ۾ بشريٰ بي بي، شهزاد اڪبر ۽ شيخ رشيد سڀاڻي نيب طلب
مَي 17, 2023
لاهور(مانيٽرنگ ڊيسڪ) نيب القادر ٽرسٽ ڪرپشن ڪيس ۾ بشريٰ بي بي، شهزاد اڪبر ۽ شيخ رشيد کي طلب ڪري ورتو، عمران خان جي گهرواري بشريٰ بي بي کي سڀاڻي سڏايو ويو، بشريٰ بي بي کي نوٽيس ڏيڻ لاءِ نيب جي 3 رڪني ٽيم زمان پارڪ پهتي، بشريٰ بي بي جي ليگل ٽيم نه هئڻ سبب نيب جي ٽيم واپس رواني ٿي وئي، نيب جي ٽيم جو چوڻ آهي ته ليگل ٽيم نه هئڻ سبب نوٽيس وصول نه ڪيو ويو، نيب موجب عمران خان کي به ڪيس جو سوالنامو ڏنو ويو آهي، اسلام آباد هاءِ ڪورٽ عمران خان کي القادر ٽرسٽ ڪيس جي جاچ ۾ شامل ٿيڻ جو حڪم ڏئي چڪي آهي، لاهور هاءِ ڪورٽ جي ڊويزن بينچ القادر ٽرسٽ ڪيس ۾ بشريٰ بي بي جي 23 مئي تي حفاظتي ضمانت منظور ڪري چڪي آهي.
