اليڪشن ڪميشن پاران گوهر کي پي ٽي آءِ چيئرمين مڃڻ کان انڪار

اسلام آباد (بيورو رپورٽ) اليڪشن ڪميشن بيرسٽر گوهر کي چيئرمين تحريڪ انصاف طور تسليم ڪرڻ کان انڪار ڪري ڇڏيو. اليڪشن ڪميشن بيرسٽر گوهر جي خط جو جواب ڏئي ڇڏيو. جواب ۾ اليڪشن ڪميشن واضح ڪيو آهي ته توهان 13 نومبر تي درخواست ڏني هئي ته آزاد سينيٽرز جي پي ٽي آءِ ۾ شموليت کي تسليم ڪيو وڃي۔ پي ٽي آءِ جي انٽرا پارٽي اليڪشنز جو ڪيس ٻڌڻي هيٺ آهي ۽ پي ٽي آءِ هن وقت لاهور هاءِ ڪورٽ کان اسٽي آرڊر ورتل آهي۔ اليڪشن ڪميشن مطابق توهان کي پي ٽي آءِ جي چيئرمين طور تسليم نٿو ڪري سگهجي ۽ توهان وٽ ڪو به قانوني حق به حاصل ناهي.