ام رباب جي مخالفت باوجود جلسو: جعلي تمندار قبول ناهن: سردار چانڊيو

ميھڙ (ن پ ا) پ پ ايم پي اي سردار چانڊيو ۽ برھان چانڊيو اختيار چانڊيو جي دعوت تي ميھڙ ۾ جلسي کي خطاب ڪندي چيو ته اسان مٿان قتل جا ڪوڙا الزام لڳايا ويا آھن .

هن چيو ته روز نوان ڊراما ڪيا پيا وڃن، اھي بند ٿيڻ کپن.

سردار چانڊيو چيو ته  ميھڙ اسان جو گھر آھي، پنھنجي شھر اچڻ ۽ جلسا ڪرڻ کان ڪير به  روڪي نه ٿو  سگھي، ڊڄڻ ۽ ڀڄڻ وارن مان ناهيون.

 ھن چيو ته جيڪي تمندار ۽ سردار آھن اھي ئي رھندا ھٿ ٺوڪين تمندارن کي ڪير به نه ٿو مڃي.

ٻئي طرف ام رباب چانڊيو جو چوڻ ھو ته ڪورٽ ۾ اسان جي ڪيس ۾ بيان رڪارڊ ٿي رھيا آھن، اهڙي صورتحال ۾ سردارن جو ميھڙ اچي جلسو ڪرڻ اسان جي شاھدن ۽ گواھن کي ڌمڪائڻ ۽ ڊيڄارڻ برابر آھي.