انعام يافته ڌاڙيل راحب شر ۽ ثنو شر پاران هٿيار ڦٽا ڪرڻ جو اعلان

گهوٽڪي(رپورٽ: ماجد سنگهڙ) گهوٽڪي ڪچي جي ٻن انعام يافته ڌاڙيلن راحب شر ۽ ثنو شر  هٿيار ڦٽا ڪرڻ جو اعلان ڪري ڇڏيو آهي

گهوٽڪي ۽ ڀرپاسي رڻ ٻاريندڙ ٻنهي ڌاڙيلن راحب شر ۽ ثناءُ الله عرف ثنو شر جي هٿيار ڦٽا ڪرڻ جي حوالي سان وڊيو منظر عام تي اچي وئي آهي

جاري ڪيل وڊيو ۾ راحب شر ۽ ثناءُ الله عرف ثنو شر چئي رهيا آهن ته جهنگ جي زندگي مان بيزار آهيون عام ماڻهن واري زندگي گذارڻ چاهيون ٿا پوليس ڪوڙا ڪيس داخل ڪري ڌاڙيل بڻايو آهي اسين ڌاڙيل ناهيون ڪچي مان قبائلي جهيڙا ختم ٿي وڃن ته امن قائم ٿي ويندو

سندن چوڻ آهي ته حڪومت عام معافي ڏي ته ڏوهن جي زندگي ڇڏي ڏينداسين جي يو آئي اڳواڻ مولانا راشد محمود سومرو ۽ سياسي سماجي اڳواڻ ڪچي ۾ امن ڪرائڻ ۾ پنهنجو ڪردار ادا ڪن ته امن قائم ٿي ويندو

راحب شر ۽ ثناءُ الله عرف ثنو شر وڊيو پيغام ۾ چيو ته سنڌ پوليس ۾ ايماندار آفيسر مقرر ڪيا وڃن ۽ ڪچي ۾ امن ميلا ڪرايا وڃن ته امن ٿي ويندو، ڪچي وارن علائقن ۾ بنيادي سهولتون فراهم ڪيون وڃن اسان به چاهيون ٿا ته اسان جا ٻارڙا به پڙهي لکي آفيسر ٿين