انيل ڪپور پاران ڌُرندر_2  جي آڇ رد ڪرڻ جو انڪشاف

ممبئي (ڪلچرل ڊيسڪ) بالي ووڊ جي سينيئر اداڪار انيل ڪپور انڪشاف ڪيو آهي ته کيس ڪراچي جي علائقي لياري جي گينگ وار تي ٻڌل فلم ”ڌُرندر“ جي سيڪوئل ۾ مختصر ڪردار جي آڇ ڪئي وئي هئي، جيڪا هن رد ڪري ڇڏي.
ميڊيا سان ڳالهائيندي 69 ورهين جي اداڪار چيو ته فلمساز آديته ڌر کيس فلم ڌُرندر ٽو ۾ ڪيميو رول جي آڇ ڪئي هئي، کيس اهو ڪردار وڻيو به هو به پر وقت جي کوٽ سبب فلم جو حصو بڻجي نه سگهيس. هڪ سوال جي جواب ۾ هن چيو ته آدتيه ڌر مون وٽ ڌُرنڌَر 2 لاءِ آيو هو، سندس خواهش هئي ته آئون فلم ۾ مختصر ڪردار ادا ڪريان انيل موجب مون پنهنجون تاريخون اڳ ئي هڪٻئي فلمساز کي ڏئي ڇڏيون هيون، تنهن ڪري اڳ ۾ ڪيل واعدي کي نڀائڻ مناسب سمجهيو،  منهنجي اها فلم به رليز ٿيڻ واري آهي، هن چيو ته ڌريندر 2 ۾ ڪم نه ڪرڻ منهنجو ئي نقصان آهي، اميد آهي ته مستقبل ۾ آديته سان گڏ ڪم ڪندس، ذريعن موجب انيل کي سيڪوئل ۾ پراسرار ڪردار  “بڙا صاحب“ جي آڇ ڪئي وئي هئي.