| انگلش ڪرڪيٽر مائڪل وان سڊني حملي ۾ خاندان سميت ذري تان بچي ويو |
سڊني (اسپورٽس نيوز) انگلينڊ جي اڳوڻي ڪپتان مائڪل وان آسٽريليا جي شهر سڊني جي سمنڊ ڪناري پيش آيل فائرنگ جي واقعي دوران ٻارن سميت هڪ ريسٽورنٽ ۾ بند هئڻ جو انڪشاف ڪيو آهي. مائڪل وان جو چوڻ آهي ته ريسٽورنٽ ۾ بند ٿيڻ ڏاڍو ڀوائتو هو، پر اسان محفوظ گهر پهتاسين، ايمرجنسي فورسز ۽ هٿياربندن سان مقابلو ڪندڙ اهلڪارن جا ٿورائتا آهيون. سندس چوڻ هو ته ريسٽورنٽ جو بائونسر هٿ ۾ بندوق کڻي موٽي آيو ۽ مون کي اندر وڃڻ لاءِ چيو، اسان حملي کان رڳو ڪجهه سو قدمن جي فاصلي تي هئاسين ۽ خطري جا سائرن وڄي رهيا هئا. سندس چوڻ هو ته هو ڪُل ڇهه ڄڻا هئا، جنهن ۾ هو، سندس گهرواري، ڀيڻ، ٻه ڌيئرون ۽ سندن ساهيڙي، ان دوران مان پاڻ کي جيترو پرسڪون رکي سگهيس ايتري ڪوشش ڪئي.