اهو شهر جتي 10 مئي تي اڀريل سج وري 84 ڏينهن بعد لهندو

واشنگٽن (انٽريسٽنگ نيوز) آمريڪا جي تمام اتر ۾ واقع شهر جا رهواسي هاڻي مهينن تائين رات جي اونداهي نه ڏسي سگهندا. ها آمريڪي رياست الاسڪا جي هڪ شهر اتڪياگوڪ ۾ آخري ڀيرو 10 مئي تي سج لهي ويو. 10 مئي تي سج 1:48 وڳي لٿو ۽ صرف 69 منٽن بعد، 2:57 تي ٻيهر اڀريو. هاڻي سج اتي 2 آگسٽ يا 84 ڏينهن تائين ٻيهر نه لهندو. آرڪٽڪ سرڪل ۾ واقع هي شهر هر سال اهڙو تجربو ڪندو آهي، جنهن دوران سج 10 مئي ۽ 2 آگسٽ جي وچ ۾ نه لهندو آهي. اهڙي تجربي لاءِ مڊنائيٽ سن جو اصطلاح استعمال ڪيو ويندو آهي. دلچسپ ڳالهه اها آهي ته هن شهر ۾ سياري ۾ قطبي رات به محسوس ٿيندي آهي. يعني اتي سج 2 مهينن کان وڌيڪ نه اڀرندو آهي. عام طور تي 18 نومبر تي لهندڙ سج جنوري جي ٽئين ڏهاڪي ۾ اڀرندو آهي ۽ اتي جا رهواسي 64 ڏينهن تائين سج جي روشني کان محروم رهندا آهن.