ايئر انڊيا حادثو: فلمساز اڃا گم

احمد آباد (پنهنجي ڊيسڪ ) ڀارتي فلمساز مهيش ڪالاوڊيا جي خاندان خميس ڏينهن گم ٿيڻ کان پوءِ ڊي اين اي نمونا جمع ڪرايا آهن، ڇاڪاڻ ته سندس موبائل فون آخري ڀيرو ايئر انڊيا جي جهاز حادثي کان صرف 700 ميٽر پري ڳولهيو ويو هو.

جهاز 15 جون 2025 تي منجهند 1:39 وڳي سردار ولڀ ڀائي پٽيل انٽرنيشنل ايئرپورٽ تان اڏامڻ کان پوءِ ميگهن نگر ۾ هڪ ميڊيڪل ڪاليج ڪيمپس مٿان  ڪري تباهه ٿي ويو. حادثي ۾ جهاز ۾ سوار 242 ماڻهن مان 241 ماڻهو مارجي ويا، جڏهن ته زمين تي موجود 29 ماڻهو پڻ پنهنجون زندگيون وڃائي ويٺا.

هن حادثي کان پوءِ، فلمساز مهيش ڪالاوڊيا (جنهن کي مهيش جراوالا پڻ چيو ويندو آهي) بابت خدشا پيدا ٿي رهيا آهن.

سندس زال هيتل چيو ته مهيش جو آخري فون 1:14 وڳي آيو، جنهن ۾ هن چيو ته هو پنهنجي ملاقات ختم ڪرڻ کانپوءِ گهر واپس اچي رهيو آهي. جڏهن هو واپس نه آيو، ته سندس زال سندس موبائل فون تي فون ڪيو پر اهو بند هو.

پوليس موجب مهيش جو موبائل فون آخري ڀيرو حادثي واري هنڌ کان صرف 700 ميٽر پري ڳولهيو ويو هو. سندن اسڪوٽر ۽ موبائل فون اڃا تائين غائب آهن.

سندس زال ڊي اين اي ٽيسٽ لاءِ نمونا جمع ڪرايا آهن ته جيئن اهو معلوم ڪري سگهجي ته ڇا هو حادثي ۾ زمين تي مارجي ويلن ۾ شامل آهي يا نه.

حادثي کان ٽي ڏينهن پوءِ اسپتال اختيارين ڊي اين اي ٽيسٽ ذريعي 47 ماڻهن جي سڃاڻپ ڪئي آهي ۽ انهن جا لاش انهن جي خاندانن جي حوالي ڪيا ويا آهن.

ايئر انڊيا جي پرواز AI-171 جو حادثو هندستان جي بدترين هوائي حادثن مان هڪ آهي، جنهن ۾ 270 ماڻهو مارجي ويا.

هي واقعو انسانيت ۽ ساڳين المين بابت سوال اٿاري ٿو. لاڳاپيل اختيارين پاران جاچ جاري آهي.