ايراني ايٽمي ٺڪاڻا تباهه ٿيا آهن: تنقيد تي ٽرمپ مڇرجي پيو

واشنگٽن (م ڊ) آمريڪي صدر ڊونلڊ ٽرمپ پنهنجي ملڪ جي ميڊيا ۽ اپوزيشن سياستدانن تي سخت تنقيد ڪندي انهن کي ملڪي سلامتي لاءِ خطرو قرار ڏنو آهي. هن سوشل ميڊيا پوسٽ ۾ چيو ته آپريشن مڊ نائيٽ هيمر ايران ۾ نيوڪليئر سائيٽس کي مڪمل طور تباهه ڪري ڇڏيو هو. تنهن ڪري ان کي کوٽڻ ۽ يورينيم حاصل ڪرڻ ڊگهو ۽ ڏکيو عمل هوندو. هن چيو ته جعلي نيوز سي اين اين، ۽ ٻيا بدعنوان ميڊيا نيٽ ورڪ ۽ پليٽ فارم، اسان جي عظيم هوائي جهازن کي اهو ڪريڊٽ ڏيڻ ۾ ناڪام آهن جيڪي انهن جا مستحق آهن – هميشه بدنام ڪرڻ ۽ گهٽ ڪرڻ جي ڪوشش ڪندا آهن. اهي ناڪام آهن.