ايران سان يڪجهتي تي پي ٽي آءِ کي تڪليف پهتي: شازيا مري

اسلام آباد (پنهنجي ڊيسڪ ) پاڪستان پيپلز پارٽي جي ترجمان شازيه مري چيو آهي ته پيپلز پارٽي جي چيئرمين بلاول ڀٽو زرداري جي اڄ قومي اسيمبلي ۾ بهترين تقرير ڪئي آهي، بلاول ڀٽو عالمي سطح تي پاڪستان جو ڪيس دليري سان وڙهيوآهي. بلاول ڀٽو زرداري فتح سان واپس آيو. هن پاڪستان کي ترجيح ڏني آهي. بلاول ڀٽو پنهنجي تقرير ۾ هر فورم تي ڪاميابي ۽ ڀارت جي شڪست جو ذڪر ڪيو. بلاول مودي سرڪار جي پاڪستان خلاف پروپيگنڊا کي بي نقاب ڪري ڇڏيو،

بلاول ڀٽو پنهنجي دوري دوران لڳ ڀڳ 70 ملاقاتون ڪيون. بلاول ڀٽو جي اڄ جي تقرير ۾ صرف عالمي سطح تي پاڪستان جي ڪاميابين جو ذڪر آهي. پي ٽي آءِ کي خبر ناهي ته بلاول ڀٽو جي تقرير دوران ان کي ڏک ٿيو هو يا نه اسان کي خبر آهي ته مخالف ڌر جي اڳواڻ ڪيتريون پارٽيون تبديل ڪيون آهن. جنهن پارٽي جي فورم تي اڄ اسين بيٺا آهيون، ان سان به زيادتي ڪئي وئي آهي. اهڙي شخص بابت ڳالهائڻ وقت جو زيان آهي.

جڏهن بلاول ڀٽو هندستان خلاف ڳالهايو ته انهن کي ڏک ٿيوآهي. جڏهن بلاول ايران سان يڪجهتي جي ڳالهه ڪئي ته تڏهن به انهن کي ڏک ٿيو، مخالف ڌر تمام خراب ڪم ڪري رهي هئي. مخالف ڌر ۾ ڪجهه ماڻهو اهڙا هئا جن جي ظاهري شڪل ٻڌائي رهي انهن وڏي تڪليف پهتي آهي.