ايران  وڌيڪ 20 پاڪستاني جهازن کي مرحليوار بنيادن تحت هرمز مان گذرڻ جي اجازت  ڏئي ڇڏي

اسلام آباد (بيورو رپورٽ) ايران  وڌيڪ 20 پاڪستاني جهازن کي مرحليوار بنيادن تحت هرمز کاڙي مان گذرڻ جي اجازت ڏئي ڇڏي. نائب وزيراعظم ۽ پرڏيهي وزير اسحاق ڊار تصديق ڪندي چيو آهي ته آبناءِ هرمز مان پاڪستاني پرچم بردار وڌيڪ 20 جهازن کي گذرڻ جي اجازت ملي وئي آهي. ايڪس تي جاري ڪيل بيان ۾ اسحاق ڊار چيو ته روز ٻه جهاز هرمز کاڙي پار ڪندا، ايران جو اهو قدم سٺو سنئوڻ ۽ تعميري آهي، ان جي تعريف ٿيڻ گهرجي.هن چيو ته اهو هاڪاري اعلان امن ڏانهن اهم قدم آهي، جيڪو اجتماعي ڪوششن کي مضبوط ڪندو. سندس چوڻ هو ته ڳالهيون، سفارتڪاري ۽ اعتماد سازي ئي اڳتي وڌڻ جو واحد رستو آهي.