ايران پاران موساد جي 600 ڪارڪنن کي پڪڙڻ جي دعويٰ

تهران: ايراني ميڊيا موجب هڪ ايران نواز هيڪر 600 ماڻهن جي سڃاڻپ ڪئي آهي جن بابت اختيارين جو چوڻ آهي ته اهي موساد جا ايجنٽ آهن ۽ ايران ۾ احتجاج کي ڀڙڪائڻ ۾ ملوث آهن. ايراني نيوز ايجنسي تسنيم جي ٽيليگرام چينل 10 جنوري تي رپورٽ ڪئي ته ايران سان لاڳاپيل گروپ حنظله (هندالا) 600 موساد جي ڪارڪنن جي سڃاڻپ ظاهر ڪندڙ دستاويز شايع ڪيا آهن. رپورٽ سان گڏ هڪ پي ڊي ايف دستاويز به شامل هو جنهن ۾ ايران، برطانيه، آمريڪا، ڪيناڊا ۽ اسرائيل سميت ڪيترن ئي ملڪن جا نالا ۽ فون نمبر شامل هئا. فهرست ۾ ڪجهه نالا عبراني ۾ لکيل هئا ۽ ڪيترائي ايراني نالا انگريزي ۾ لکيل هئا. حنظله (هندالا)، جيڪو پاڻ کي سائبر مزاحمتي گروپ سڏي ٿو دعويٰ ڪئي ته ان احتجاج ڪندڙن سان اسرائيلي موساد جي رابطن کي پڪڙيو آهي. گروپ چيو ته هن مهرداد رحيمي نالي هڪ شخص کي هيڪ ڪيو هو، جيڪو موساد جو آفيسر آهي ۽ احتجاج دوران سندس سرگرمين جي نگراني ڪئي هئي.