ايس ايس پي عرفان سمون مڱڻي بعد ڊيوٽي تي واپس، امن امان بابت رينجرز هيڊڪوارٽر ۾ اجلاس ۾ شرڪت

ڪنڌڪوٽ (رپورٽر)ڪنڌڪوٽ ڪشمور جو ايس ايس پي عرفان سمون مڱڻي بعد ڊيوٽي تي واپس اچي ويو، سندس چوڻ آهي ته امن امان بابت اجلاس لاءِ رينجرز هيڊ ڪوارٽر ۾ شريڪ آهيان

  ايس ايس پي ڪشمور ڪنڌڪوٽ عرفان سمون 37 سالن جي عمر ۾ مڱڻي ڪئي، مڱڻي جي تقريب ڪراچي ۾ منعقد ڪئي وئي

 ٻڌايو پيو وڃي ته ايس ايس پي عرفان سمون کي ميمڻ خاندان مان سڱ مليو آهي، سندس شادي 3 مهينن بعد ڪراچي ۾ ٿيندي

 ايس ايس پي عرفان سمون پهرين فيبروري 1986 ۾ لاڙڪاڻي شهر ۾ پيدا ٿيو، سندس اباڻو گهر لاڙڪاڻي شهر ۾ آهي، پڙهيل لکيل خاندان سان تعلق رکي ٿو، سندس ڀاءُ مختيار احمد سي ايس ايس اڪيڊمي هلائي ٿو ۽ ٻيو ڀاءُ منير احمد سمون لاڙڪاڻي ۾ ڊي آءِ بي انچارج آهي

ٻئي طرف رابطي ڪرڻ تي هن ٻڌايو ته  ٻن ڏينھن جي موڪل ھئي منگڻي جي رسم بعد منھنجي موڪل پوري ٿي آھي ۽ اڄ چارج مون وٽ آھي، امن امان بابت ڪراچي رينجر ھيڊ ڪوارٽر ميٽنگ ۾ آھيان

سندس چوڻ هو ته هو پنهنجون ذميواريون نڀائي رهيو آهي، سڀاڻي اسلام آباد سينٽ ۾ پروفيسر اجمل ساوند جي قتل ڪيس بابت گڏجاڻي ۾ شريڪ ٿيندس