ايشيا ڪپ: بنگلاديش ۽ سريلنڪا پاڪستان ۾ کيڏڻ تي راضي

لاهور(اسپورٽس نيوز) ايشيا ڪپ لاءِ بنگلاديش ۽ سريلنڪا پاڪستان  ۾ کيڏڻ تي راضي ٿي ويا آهن جنهن بعد ايندڙ ٻن ڏينهن ۾ اهم فيصلي جو امڪان ظاهر ڪيو پيو وڃي. تفصيل موجب ايشيا ڪپ پاڪستان ۾ ڪرائڻ وارو تڪرار حل ٿيڻ جي ويجهو پهچي چڪو آهي، ذريعن موجب ايشيا جي ٻن اهم ملڪن سريلنڪا ۽ بنگلاديش جي ڪرڪيٽ بورڊز پي سي بي کي خط لکي خاطري ڪرائي آهي ته انهن کي پهريون رائونڊ پاڪستان ۾ کيڏڻ تي ڪوبه اعتراض ناهي جڏهن ته ٻنهي ملڪن پاڪستان جي متبادل هنڌ واري تجويز جي پڻ حمايت ڪئي آهي ٻنهي ملڪن پاران گرين سنگنل ملڻ بعد ايشين ڪرڪيٽ ڪائونسل جي ايندڙ اجلاس ۾ فيصلي جو امڪان  ظاهر ڪيو پيو وڃي.