ايندڙ حملا سنگين هوندا

واشنگٽن (پنهنجي ڊيسڪ) آمريڪي صدر ڊونلڊ ٽرمپ ايران کي ڌمڪي ڏني آهي ته هو ايٽمي معاهدو ڪري ٻي صورت ۾ مستقبل ۾ حملا وڌيڪ سنگين هوندا.

پرڏيهي ميڊيا موجب ڊونلڊ ٽرمپ پنهنجي بيان ۾ چيو ته هن ايران کي ڊيل ڪرڻ لاءِ چيو هو پر ان نه ڪئي. معاهدو ڪرڻ جون ڪوششون ٿيون، هڪ معاهدي جي ويجهو به پهچي ويا، پر اهو معاهدو نه ٿي سگهيو.

هن چيو ته ڪجهه سخت گير ايراني عملدارن تلخي سان ڳالهايو، پر انهن کي خبر نه هئي ته ڇا ٿيڻ وارو آهي. سڀئي سخت گير ايراني هاڻي مري ويا آهن ۽ حالتون هاڻ صرف خراب ٿينديون.

آمريڪي صدر چيو ته ايران کي ڊيل ڪرڻ جو موقعو ڏيڻ کان پوءِ،ان کي هڪ ٻيو موقعو ڏنو ويو. ايران کي ڪجهه به نه رهڻ کان اڳ هڪ معاهدو ڪرڻ گهرجي.

ڊونلڊ ٽرمپ وڌيڪ چيو ته آمريڪا دنيا ۾ سڀ کان وڌيڪ خطرناڪ هٿيار ٺاهيندو آهي ۽ اسرائيل وٽ انهن هٿيارن جو وڏو ذخيرو آهي ۽ هو انهن کي هلائڻ جو طريقو ڄاڻي ٿو، تنهن ڪري هن صورتحال کي ختم ڪرڻ جو وقت آهي، ٻي صورت ۾ منصوبابندي ڪيل حملا وڌيڪ سنگين هوندا.