ايندڙ سال انسانن جو پهريون ڀيرو خلائي مخلوق سان رابطو ٿيندو

لنڊن (انٽريسٽنگ نيوز) تاريخ جي سڀ کان وڏي نجومڻ نابين عورت بابا ونگا جون 2026 لاءِ ڪيل اڳڪٿيون سامهون اچي رهيون آهن. هڪ برطانوي ميگزين ۾ شايع ٿيل رپورٽ ۾ بابا وانگا جي ڪيل اڳڪٿين ۾ چيو ويو آهي ته ايندڙ سال انسانن جو پهريون ڀيرو خلائي مخلوق سان رابطو ٿيندو، ان خلائي رابطي کي انٽر سيٽلائٽ نالي خلائي مشن سان ڳنڍيو ويو آهي جڏهن ته 2026 ۾ هڪ وڏو خلائي جهاز ڌرتي جي ويجهو اچڻ جي به اڳڪٿي ڪئي وئي آهي. بابا وانگا پنهنجي ڪيل اڳڪٿين ۾ چيو هو ته 2026 ۾ ڌرتي جو 7 کان 8 سيڪڙو علائقو تباهه ٿي ويندو، ڇاڪاڻ ته دنيا ۾ وڏي پئماني تي زلزلا ايندا، ٻرندڙ جبل ڦاٽندا ۽ موسم ۾ به شدت ايندي، بابا وانگا جي اڳڪٿين موجب عالمي معيشت لاءِ پڻ  2026 انتهائي ڏکيو سال ثابت ٿي سگهي ٿو . بلغاريه سان واسطو رکندڙ نابين عورت نجومڻ بابا وانگا اڳڪٿين جي حوالي سان مشهور آهي. بابا وانگا دنيا جي اهڙين شخصيتن مان هڪ هئي، جنهن جون عالمي سطح تي تاريخي ۽ افسوسناڪ واقعن بابت ڪيل اڳڪٿيون صحيح ثابت ٿيون. بابا وانگا جو جنم 1911ع ۾ ٿيو ۽ هوءَ 1996ع ۾ 85 ورهين جي عمر ۾ لاڏاڻو ڪري وئي، وفات کان اڳ هن دنيا جي تاريخ جا ڪيترائي وڏا واقعا اڳواٽ ٻڌائي ڇڏيا هئا، جن مان هڪ 9/11 واري دهشتگردي جو واقعو پڻ شامل هو. بابا وانگا جي پرورش رومانيا ۾ ٿي، هوءَ 12 ورهين جي هئي جڏهن سخت مٽيءَ جي طوفان ۾ اکين جو نور وڃائي ويٺي، هوءَ رڳو جڙي ٻوٽين جي ماهر نه هئي پر هڪ مذهبي پيشوا پڻ هئي، جنهن 5079ع تائين جون اڳڪٿيون ڪيون، هن جو خيال هو ته ان کانپوءِ دنيا ختم ٿي ويندي.