اينگري ينگ مين شاهد ڪپور جي “او روميو” جو ٽيزر جاري  

 ممبئي (ڪلچرل ڊيسڪ) بالي ووڊ جي ناليواري هدايتڪار وشال ڀاردواج جي نئين فلم ”او روميو“ جو ٽيزر جاري ٿي ويو، انهي فلم ۾ شاهد ڪپور مُک ڪردار ادا ڪري رهيو آهي. او روميو جي  ٽيزر کي يوٽيوب تي شروعاتي 7 ڪلاڪن ۾ 30 لک ماڻهو ڏسي چڪا آهن. هڪ منٽ 35 سيڪنڊن تي ٻڌل ٽيزر ۾ شاهد ڪپور کي پُرتشدد ۽ جذباتي ڪردار ۾ ڏيکاريو ويو آهي، فلم رومانس، ايڪشن ۽ هڪ غير روايتي ڪهاڻي تي ٻڌل آهي.ڪائو بواءِ هيٽ، ڪاري گَنجي، ڳچيءَ ۾ چين ۽ جسم تي ٽيٽوز سجيل شاهد ڪپور کي ڪاوڙيل  ڏيکاريو ويو آهي. فلم جي ٻي ڪاسٽ ۾ فريده جلال، نانا پاٽيڪر، وڪرانت ميسي، ترپتي ڊمري، ديشا پٽاني، تمنا ڀاٽيا ۽ اويناش تيواڙي شامل آهن.
فلمي شوقين فريده جلال جي ڊائلاگن ۽ شاهد ڪپور جي وائلنٽ اداڪاري جي واکاڻ ڪري رهيا آهن.اهي شاهد ڪپور جي ڪردار کي فلم ” ڪميني “ سان ڀيٽي رهيا آهن، جيڪا پڻ وشال ڀاردواج جي هدايتڪاري هيٺ  ٺهي هئي. واضح رهي ته ” او روميو “ جي ڪهاڻي وشال ڀاردواج ۽ روهن ناروولا گڏجي لکي آهي، جڏهن ته ساجد ناڊياوالا پروڊيوسر آهي، فلم 13 فيبروري تي رليز ٿيندي.