| اٽلي کي ورلڊڪپ کٽرائيندڙ فرانڪو باريزي لاڏاڻو ڪري ويو |
روم( اسپورٽس نيوز) فٽبال ورلڊ ڪپ کٽيندڙ اٽلي جي 1982 واري ٽيم جو اڳوڻو رانديگر ۽ دنيا جي بهترين دفاعي فٽبالرن مان هڪ فرانڪو باريزي 66 ورهين جي ڄمار ۾ لاڏاڻو ڪري ويو.اطالوي ڪلب اي سي ميلان سوشل ميڊيا تي جاري ڪيل بيان ۾ فرانڪو باريزي جي وفات جي تصديق ڪئي.فرانڪو باريزي اٽلي جي قومي ٽيم پاران 81 بين الاقوامي ميچون کيڏيون ۽ 1982 ۾ ورلڊ ڪپ کٽيندڙ اسڪواڊ جو اهم حصو رهيو. ان کان علاوه هن 1994 ۾ برازيل خلاف کيڏيل ورلڊ ڪپ جي فائنل ۾ اٽلي جي قومي ٽيم جي ڪپتاني پڻ ڪئي.اي سي ميلان پنهنجي بيان ۾ فرانڪو باريزي جي وفات تي گهري ڏک جو اظهار ڪندي چيو ته هو فٽبال جي تاريخ جو هڪ عظيم رانديگر هو، جنهن جون ڪلب ۽ راند لاءِ خدمتون هميشه ياد رکيون وينديون.