اڊيالا جيل ۾ عمران سان گهرواري بشريٰ بي بي جي ملاقات

راولپنڊي (م ڊ) پاڪستان تحريڪ انصاف (پي ٽي آءِ) جي باني چيئرمين عمران خان ۽ سندس زال بشريٰ بي بي جي اڊيالا جيل ۾ ملاقات ڪرائي وئي. ذريعن ٻڌايو ته پي ٽي آءِ جي باني عمران خان ۽ بشريٰ بي بي جي وچ ۾ ملاقات هڪ ڪانفرنس روم ۾ ڪرائي وئي. ملاقات 45 منٽن تائين هلي ۽ ٻنهي هڪ ٻئي جي خيريت پڇي. جيل ذريعن وڌيڪ چيو ته ملاقات کان پوءِ ٻنهي کي پنهنجن پنهنجن سيلن ۾ منتقل ڪيو ويو. ان کان اڳ بشريٰ بي بي سان اڊيالا جيل ۾ سندس ڌيءَ ۽ ڀيڻوي ملاقات ڪئي. بشريٰ بي بي جي ڌيءَ ۽ ڀيڻوي جيل جي ڪانفرنس روم ۾ به ملاقات ٿي، جيڪا 45 منٽن تائين هلي. ٻڌايو ويو ته ملاقات ۾ بشريٰ بي بي جي صحت ۽ قانوني معاملن تي بحث ڪيو ويو ۽ ان کان پوءِ بشريٰ بي بي جي ڌيءَ ۽ ڀيڻوي جيل مان نڪري ويون.