| اڍائي ميٽر ڊگهو خوفناڪ نانگ عورت جي بستري تي، مڙس ڊڄي ويو |
ڪينبرا (انٽريسٽنگ نيوز) آسٽريليا جي شهر برسبين ۾ هڪ عورت ان وقت حيرت ۽ خوف جو شڪار ٿي وئي جڏهن هوءَ ننڊ مان اٿي جاڳي ته سندس هنڌ وٽ هڪ اڍائي ميٽر ڊگهو ڪارو نانگ موجود هو، ريچل بلور نالي عورت موجب شروع ۾ لڳو ته ان جي پيٽ ۽ سيني تي پيل وزن سندس پالتو ڪتي جو آهي، جڏهن ته آئون ڪمبل تي هٿ رکيو ته موجود شيءِ حرڪت ڪرڻ لڳي، ريچل اي بي سي نيوز کي ٻڌايو ته ان لمحي احساس ٿيو ته اهو ڪو جانور نه پر خوفناڪ نانگ آهي، عورت فوري طور تي پنهنجي مڙس کي گهرائي لائٽ کولڻ جو چيو، روشني ٿيندي ئي مڙس بستري تي موجود وڏي ڊگهي نانگ کي ڏٺو ۽ فوري خبردار ڪيو ته حرڪت متان ڪئي اٿئي، ڇاڪاڻ جو تقريبن اڍائي ميٽر ڊگهو نانگ موجود آهي، مڙس پهرين پنهنجي گهر جي پالتو ڪتن کي ڪمري مان ٻاهر ڪڍيو ته جيئن هو محفوظ رهن جڏهن ته ريچل کي پنهنجي مڙسي ڪرڻي پئي، ٻئي ڪمري مان مڙس کيس هدايت ڪئي ته آهستي آهستي ڪمبل جي هيٺان ٻاهران نڪري اچ ، ريچل بلور انتهائي احتياط سان پاڻ کي بستري مان ڪڍيو، پوءِ نانگ کي دري جي رستي واپس وڃڻ ۾ مدد ڪئي.
ريچل موجب نانگ ٻي منزل تائين ڀت تان چڙهيو، دري جي در کي کوليو پوءِ سڌو بيڊ تي اچي ڪريو. دلچسپ ڳالهه اها آهي ته ريچل کي گهڻو ڊڄ نه ٿيو، ڇاڪاڻ جو هوءَ ٻهراڙي وارن علائقن ۾ ڄائي ۽ وڏي ٿي آهي، هن کلندي چيو ته مون کي خوشي آهي ته اهو نانگ هو ڏيڏر نه، ڇاڪاڻ جو مون کي ڏيڏرکان وڌيڪ ڊڄ ٿيندو آهي. نانگ کان سمورا گهرڀاتي محفوظ رهيا، پر منهنجي زندگي جو سڀ کان عجيب ۽ ناقابل يقين تجربو بڻجي ويو.