اڳوڻي دهشتگرد جي آمريڪا آمد، شامي صدر جي اڄ ٽرمپ سان ملاقات

واشنگٽن(م ڊ) شام جو صدر احمد الشرع آمريڪي صدر ڊونلڊ ٽرمپ سان وائيٽ هائوس ۾ ملاقات لاءِ آمريڪا پهچي ويو. سومر تي ملاقات دوران، شام ۽ آمريڪي صدر سالن جي خانہ جنگي کان پوءِ شام جي تعمير نو تي بحث ڪندا. ٻئي طرف، احمد الشرع جي آمريڪا ۾ آمد کان اڳ شام داعش جي ٺڪاڻن تي حملا ڪيا آهن شام جي گهرو وزارت جي مطابق سرڪاري فوجن ملڪ جي ڪيترن ئي صوبن ۾ داعش جي جڳهن کي نشانو بڻايو. داعش جي 61 ٺڪاڻن تي ڇاپن جي نتيجي ۾ 70 کان وڌيڪ ماڻهن کي گرفتار ڪيو ويو آهي، جڏهن ته هٿيار ۽ ڌماڪيدار مادو پڻ ضبط ڪيو ويو آهي.