باقراڻي ۾ دڪان تي حملي ۾ زخمي ٿيل نينگر به دم ڏئي ڇڏيو

باقراڻي( ن پ و))  باقراڻي ۾ سانگي ۽ پنهور برادري ۾ تڪرار تان دڪان تي فائرنگ دوران زخمي ٿيل نينگر اسلم ميمڻ به  اسپتال ۾ دم ڏئي ڇڏيو

گذريل رات باقراڻي ۾ موٽرسائيڪل سوار هٿياربندن دڪان تي فائرنگ ڪئي هئي جنهن جي نتيجي ۾ 25 ورھين جي نوجوان عمران ولد بخشل سانگي 13 ورھين جو نينگر اسلم ميمڻ  ۽ سندس ڀيڻ اسما زخمي ٿي پيا هيا

واقعي بعد زخمين کي لاڙڪاڻي اسپتال منتقل ڪيو ويو هو جتي عمران سانگي دم ڏنو هو ۽ اڄ نينگر اسلم ميمڻ به دم ڏئي ڇڏيو

مائٽ نينگر جو مڙهه باقراڻي کڻائي آيا گهر پهچڻ تي ڪهرام مچي پو، نينگر جي والد جو چوڻ آهي ته پٽ کي بي گناهه قتل ڪيو ويو آهي، پوليس شهرين کي تحفظ ڏيڻ ۾ مڪمل ناڪام ٿي وئي آهي، تڪرار تان هن وقت تائين 3 ڄڻا مارجي چڪا آهن پر پوليس ذميواري نه پئي نڀائي