بالي ووڊ جي پوپري ديپڪا جي ڀيڻ جي شادي جون تياريون

 ممبئي (ڪلچرل ڊيسڪ) بالي ووڊ جي پوپري ديپڪا پوڊڪون جي ننڍي ڀيڻ انيشا پوڊڪون جلد شادي ڪري رهي آهي. ڀارتي ميڊيا موجب، انيشا جو مڱڻو فلمي دنيا سان تعلق رکندڙ روهان آچاريا سان ٿيو آهي، روهان دريشا آچاريا جو ڀاءُ آهي، جنهن جي شادي سني ديول جي پٽ ڪرن ديول سان ٿي هئي. پوڊڪون خاندان طرفان شادي بابت ڪو به اعلان نه ڪيو ويو آهي، ذريعن ٻڌايو ته انيشا ۽ روهان جي مڱڻي ۾ رنوير سنگهه اهم ڪردار ادا ڪيو. رنوير سنگهه جي والدين جا آچاريا خاندان جا ويجها لاڳاپا آهن، انيشا ۽ روهن ڪيترن ئي پروگرامن ۾ ملاقاتن دوران ويجهو ٿيا. ٻڌايو پيو وڃي ته دپيڪا پوڊڪون ۽ رنوير سنگهه پڻ انسٽاگرام تي روهن آچاريا کي فالو ڪندا آهن.