توکي نه ڇڏيندس: ٽوئيٽر جو مالڪ فيس بوڪ جي مالڪ تي ڪاوڙجي پيو

ڪراچي (پنهنجي ڊيسڪ) ٽوئيٽر جي مالڪ ايلون مسڪ سوشل ميڊيا ايپ ٿريڊز جي لائونچ جي موقعي تي ميٽا تي هرجاڻي جو ڪيس داخل ڪرڻ جي ڌمڪي ڏني آهي

ايلون مسلڪ جي وڪيل پاران ميٽا جي سي اي او مارڪ زڪر برڪ جي نالي خط آن لائن آئوٽ ليٽ تي شايع ڪيو ويو آهي

خط ۾ ميٽا تي ٽوئيٽر جي اڳوڻن ملازمن کي نوڪري ڏئي واپاري راز ۽ انتهائي ڳجهي معلومات تائين رسائي جو الزام لڳايو ويو آهي

گذريل سال ايلون مسڪ سماجي رابطن واري ويب سائيٽ ٽوئيٽر کي خريد ڪرڻ بعد ان ۾ ڪيتريون ئي تبديليون آنديون آهن

ٽوئيٽر ۾ وڏين تبديلين کانپوءِ ميٽا (فيس بوڪ، واٽس ايپ) جي سربراهه مارڪ زڪر برگ پاران ايپ ٿريڊز جي لائونچنگ ڪئي وئي آهي جنهن تي ڪجهه ڪلاڪن ۾ ئي هڪ ڪروڙ کان وڌيڪ ماڻهن اڪائونٽ ٺاهي ورتو آهي