جاچ ۾ اڳڀراڻي: نورعين جي آپگهات واري دعويٰ رد: قتل ڪرڻ جو انڪشاف

سيوهڻ( ن پ ا)  ماستريڻاي نورعين فاطمه جي ڪيس جي جاچ م اهم اڳڀرائي ٿي آهي، پوليس جو چوڻ آهي ته نورعين کي قتل ڪيو ويو آهي

واقعي جي جاچ ڪندڙ اي ايس پي سيوهڻ  بيدار بخت پريس ڪانفرنس ڪندي ٻڌايو ته  جاچ دوران خبر پئي آهي ته نورعين آپگهات نه ڪيو آهي پر هن جو قتل ٿيو آهي

هن ٻڌايو ته قتل ڪيل ناري جي امڙ  پوليس کي بيان ڏيندي ٻڌايو آهي ته منهنجي نياڻي خودڪشي نٿي ڪري سگھي, جنهن بعد  ناري جي ڀاءُ محسن جيڪو سي ٽي ڊي ۾ اي ايس آءِ آهي ان ڏانهن شڪ ويو

اي ايس پي چيو ته ڪيس داخل ڪرڻ بعد نورعين جي ڀاءُ محسن کي گرفتار ڪيو ويو آهي ٻئي جوابدار ناري جي والد محمد علي کي به گرفتار ڪري قانون جي ڪٽهڙي ۾ آندو ويندو

هن چيو ته ناري جي پوسٽ مارٽم واري رپورٽ تي طبي ماهرن کان به راءِ ورتي ويندي، ناري جي مڙس سان ڪيل چيٽ مان به خبر پئي ٿي ته هن کي قتل ڪيو ويو آهي

نورعين ڪيس جي جاچ ڪندڙ اي ايس پي بيدار بخت چيو ته اسان جي ڪوش آهي ته معاملي جي جلد جاچ مڪمل ڪري حقيقتون سامهون آڻيون