آڊيو ليڪس ڪميشن بابت ٻڌڻي مڪمل: سپريم ڪورٽ فيصلو محفوظ ڪري ورتو

مَي 26, 2023

اسلام آباد (پنهنجي ڊيسڪ) سپريم ڪورٽ  آڊيو ليڪس ڪميشن خلاف درخواستن تي ٻڌڻي مڪمل ڪري ورتي

سپريم ڪورٽ جي 5 رڪني لارجر بينچ درخواستن تي ٻڌڻي کانپوءِ فيصلو محفوظ ڪري ورتو  آهي

چيف جسٽس چيو ته اوهان ججز جي حوالي سان هڪ بورڊ يا ڪميشن جوڙي اهو ممڪن ناهي اوهان ايئن نٿا ڪري سگهو

چيف جسٽس چيو ته ان حوالي سان مختصر ۽ عبوري حڪم جاري ڪنداسين

ذريعن موجب سپريم ڪورٽ پاران فيصلو اڄ ئي ٻڌايو ويندو

3 رڪني ڪميشن خلاف داخل درخواستن تي ٻڌڻي ڪندڙ بئنچ ۾ جسٽس منيب اختر، جسٽس اعجاز الاحسن، جسٽس شاهد وحيد ۽ جسٽس حسن اظهر رضوي شامل آهن

ٻڌڻي شروع ٿي ته اٽارني جنرل بينچ ۾ چيف جسٽس جي شموليت تي اعتراض ڪري ڇڏيو

اٽارني جنرل چيو ته درخواست آهي ته چيف جسٽس هن بينچ جو حصو نه بڻجي

جنهن تي چيف جسٽس عمر عطا بنديال چيو ته مون کي معلوم هو ته اوهان اعتراض اٿاريندا

عدليه حڪومت جي ماتحت ناهي آئين ۾ اختيار جي تقسيم آهي اوهان جي درخواست قابل احترام آهي

چيف جسٽس چيو ته اوهان جو مطلب آهي ته آئون بينچ کان الڳ ٿي وڃان؟

چيف جسٽس چيو ته عدليه بنيادي انساني حقن جي  محافظ آهي اوهان اسان جي انتظامي اختيار ۾ مداخلت نه ڪريو

چيف جسٽس چيو ته اٽارني جنرل صاحب عدليه جي آزادي جو معاملو آهي

بس گهڻو ٿي ويو اٽارني جنرل صاحب اوهان ويهي رهو

چيف جسٽس چيو ته حڪومت ڪيئن سپريم ڪورٽ جي ججز کي پنهنجي مقصدن لاءِ چونڊي سگهي ٿي افسوس سان چوڻو پئجي رهيو آهي ته غير ارادي طور ڪوشش ڪئي وئي ته ججز ۾ ڏار وڌا وڃن

چيف جسٽس چيو ته اوهان اسان جي انتظامي اختيار ۾ مداخلت نه ڪريو  اسان حڪومت جو مڪمل احترام ڪريون ٿا

حڪومت چيف جسٽس جي اختيارن کي ريگيوليٽ ڪرڻ جي قانونسازي جلدي ۾ ڪئي

چيف جسٽس جو عهدو هڪ آئيني عهدو آهي

جڊيشل ڪميشن خلاف پي ٽي آءِ چيئرمين عمران خان، سپريم ڪورٽ بار جي صدر عابد زبيري، رياض حنيف راهي ۽ مقتدر شبير درخواستون داخل ڪرايون آهن

آڊيو ليڪس ڪميشن آڊيوز سان لاڳاپيل 4 وڏين شخصيتن کي 27 مئي  تي طلب ڪيو آهي

ڪميشن طرفان اڳوڻي چيف جسٽس ثاقب نثار جي پٽ نجم ثاقب، سپريم ڪورٽ بار جي صدر عابد زبيري، سينيئر ايڊووڪيٽ طارق رحيم ۽ مبينا آڊيوز ۾ سينيئر وڪيل سان ڳالهائيندڙ صحافي کي طلب ڪيو ويو آهي

Leave A Comment