جج ڪير ٿيندو آهي جيڪو عوام جو پاڻي بند ڪري: وڪيلن جو چيف جسٽس جي چيمبر ٻاهران ڌرڻو

مَي 23, 2023

ڪراچي (اسٽاف رپورٽر) ڊسٽرڪٽ اينڊ سيشن جج ملير  ۽ وڪيلن وچ ۾ تڪرار وارو معاملو حل نه ٿي سگهيو آهي

سنڌ بار ڪائونسل ۽ وڪيل تنظيمن پاران عدالتن ۾ هڙتال ڪئي پئي وڃي

ڪراچي ۾ سنڌ هاءِ ڪورٽ جي چيف جسٽس جي چيمبر ٻاھران وڪيل ڌرڻو هڻي ويٺل آهن جتي وڪيلن نعريبازي ڪئي

وڪيلن سنڌ هاءِ ڪورٽ جا مک دروازا وڪيلن ۽ شهرين لاءِ بند ڪرڻ سميت سنڌ هاءِ ڪورٽ جي مرڪزي ۽ اينيڪسي بلڊنگ کي تالا هڻي ڇڏيا آهن

عدالت ۾ پيشيءَ تي ايندڙ وڪيلن ۽ سائلين کي عدالت ۾ داخل ٿيڻ کان روڪيو ويو سرڪاري وڪيلن کي به عدالت ۾ داخل ٿيڻ کان روڪيو ويو

ڌرڻي ۾ سنڌ ھاءِ ڪورٽ بار جو صدر سليم مڱريو، جنرل سيڪريٽري عامر وڙائچ ۽ ٻيا سينيئر وڪيل شريڪ آهن

وڪيلن فوري طور سيشن جج کي ھٽائڻ جو مطالبو  ڪيو آهي

وڪيل اڳواڻن چيو ته پاڪستان ۾ جيڪو ماڻھن سان ظلم ڪيو پيو وڃي ان جو مثال ڪٿي نه ٿو ملي

ھي جج صاحب ڪير ٿيندو آھي جيڪو عوام جو پاڻي بند ڪري هزارين سائلين روز عدالتن ۾ پيش ٿين ٿا سخت گرمي ۾ انهن کي پاڻي نٿو ملي

Leave A Comment