جنگ جي ڪري زراعت کي به نقصان جو خدشو

دوحا (م ڊ) ڏکڻ ايشيا جي ملڪن کان ھزارين ڪلوميٽر پري پکڙيل ايران سان آمريڪا ۽ اسرائيل جي جنگ خطي جي هارين کي بھ متاثر ڪري رھي آھي ۽ ھاڻ انھن جي گذر سفر جي وسيلن تي اثر ڇڏي رھي آھي. هرمز کاڙي جي بندش جي ڪري خطي ۾ نائٽروجن جي فراھمي بھ رڪجي وئي آھي جيڪا نائٽروجن تي ٻڌل ڀاڻ ٺاهڻ لاءِ ضروري آهي. ڀاڻ جي فراهمي ۾ رڪاوٽن سان  فصلن جي پيداوار گهٽجي سگهي ٿي، قيمتون وڌي سگهن ٿيون ۽ کاڌي جي قيمتن ۾ اضافو ٿي سگھي ٿو. پاڪستان جي ڪڻڪ جي هاري منير احمد الجزيره کي ٻڌايو تھ جيڪڏهن ڀاڻ مهانگو ٿي وڃي ٿو ته ان سان اسان جي ملڪ ۾ ھر ڪو متاثر ٿيندو.