جنگ خطي ۾ پکڙجي سگهي ٿي: چين

بيجنگ (پنهنجي ڊيسڪ) چيني پرڏيهي وزارت چيو ته عالمي برادري کي موجوده صورتحال کي خراب ٿيڻ کان روڪڻ لاءِ فوري ۽ سنجيده قدم کڻڻ گهرجن.

چيني پرڏيهي وزارت وچ اوڀر ۾ جاري ڇڪتاڻ تي سخت خدشن جو اظهار ڪيو آهي ۽ خبردار ڪيو آهي ته جيڪڏهن فوري قدم نه کنيا ويا ته جنگ سڄي خطي ۾ پکڙجي سگهي ٿي. چيني پرڏيهي وزارت جي ترجمان هڪ بيان ۾ چيو ته جنگ جي پکيڙ کي هر قيمت تي روڪڻ گهرجي ۽ سڀني ڌرين کي فوري طور تي سياسي حل ڏانهن موٽڻ گهرجي.

ترجمان زور ڏنو ته وچ اوڀر، خاص طور تي نار جو علائقو، اهم بين الاقوامي واپاري رستن جو مرڪز آهي، ۽ هتي جنگ ۾ واڌ نه رڳو علائقائي امن پر عالمي معيشت کي به سنجيده متاثر ڪري سگهي ٿي.

چين عالمي برادري تي زور ڏنو آهي ته موجوده صورتحال کي خراب ٿيڻ کان روڪڻ لاءِ فوري ۽ سنجيده قدم کنيا وڃن، ته جيئن خليج ۾ ڇڪتاڻ گهٽجي سگهي ۽ دنيا کي هڪ نئين بحران کان بچائي سگهجي.

چيني بيان ۾ هڪ ڀيرو ٻيهر سياسي ڳالهين ۽ سفارتي ذريعن ذريعي مسئلن کي حل ڪرڻ جي ضرورت تي زور ڏنو ويو ۽ ڌرين تي زور ڏنو ويو ته اهي صبر کان ڪم وٺن ۽ علائقائي استحڪام کي اولين ترجيح ڏين.