جهرلو اليڪشن رد: اسلام آباد سميت چئني صوبن ۾ ريليون: ڌرڻا: چڪريون: شاهراهون بلاڪ: 15 گرفتار

اسلام آباد (نمائندن وٽان) پي ٽي آءِ، نيشنل پارٽي، پختون خوا  ملي عوامي پارٽي، هزاره جماعت پاران اسلام آباد سميت پنجاب، ڪي پي ۽ بلوچستان ۾مظاهرا ڪيا ويا، ڪي پي مان 15 گرفتار،  ان ڏس ۾ پنجاب جي شهر لاهور، چڪوال، تله گنگ ۽ اٽڪ ۾ پي ٽي آءِ ڪارڪنن آر او آفيس آڏو مظاهرا ڪيا، جڏهن ته ڪي پي جي راڄڌاني پشاور ۽ باجوڙ ۾ ٽئين ڏينهن احتجاج جاري رهيو، بلوچستان جي صوبائي تخت گاهه ڪوئيٽا ۾پختونخوا ملي عوامي پارٽي ۽ تربت توڙي چمن ۾نيشنل پارٽي پاران مظاهرا ڪيا ويا، ٻئي طرف پي ٽي آءِ اڳواڻ شعيب شاهين ايڊووڪيٽ چيو آهي ته آئون تڪ جا فارم 45 کڻي آر او آفيس ۾ڌانڌلين کي چيلنج ڪرڻ وڃي رهيو هئس ته نواز ليگ جي ڪارڪنن ڏنڊن سان حملو ڪري منهنجي ساٿين کي تشدد جو نشانو بڻايو، جڏهن ته گاڏي جا شيشا ڀڃي ڇڏيا