جوابي جنگ ختم نه ڪنداسين، پاڙيسري ملڪن کي دشمن نه ٿا سمجهون: ايران

تھران (م ڊ) ايران جي پرڏيهي وزارت جي ترجمان ٽرمپ جي تقرير جي جواب ۾ چيو آھي تھ اسان جنگ، ڳالهين، جنگ بندي واري شيطاني چڪر کي برداشت نه ڪنداسين ھلندڙ جنگ نه رڳو ايران لاءِ پر سڄي علائقي ۽ ان کان ٻاهر ملڪن لاءِ تباهي آھي. ترجمان چيو ته ايران جيستائين آمريڪا-اسرائيلي حملا جاري رهندو، تيستائين جوابي جنگ جاري رکندو، جڏھن تھ تهران پنهنجي خليج پاڙيسرين کي دشمن نه ٿو سمجهي. ھن چيو تھ اسان بار بار چيو آهي ته اسان انهن سڀني سان پنهنجا سٺا پاڙيسري تعلقات جاري رکڻ لاءِ پرعزم آهيون. مسئلو اهو آهي ته آمريڪا ۽ اسرائيل ايران خلاف پنهنجي فوجي جارحيت ڪرڻ لاءِ انھن ملڪن جي علائقن کي استعمال ڪري رهيا آهن. ھن چيو تھ هي هڪ غير منصفاڻي جنگ آهي جيڪا ايراني عوام تي مسلط ڪئي وئي آهي. اسان وٽ مضبوطيءَ سان جواب ڏيڻ کان سواءِ ڪو به آپشن ناهي.