حڪومت 5 لک ٽن کنڊ گهرائڻ ڪرڻ جو فيصلو
جُون 20, 2025
اسلام آباد (پنهنجي ڊيسڪ) خوراڪ جي تحفظ واري وزارت جو چوڻ آهي ته کنڊ درآمد ڪرڻ جو فيصلو اگهن کي ضابطي ۾ آڻن ۽ عوام کي سهولت ڏيڻ لاءِ ڪيو ويو آهي.
کنڊ جي قيمتن ۾ توازن ۽ عوامي رليف کي ذهن ۾ رکندي، حڪومت 500,000 ٽن کنڊ درآمد ڪرڻ جو فيصلو ڪيو آهي. ان حوالي سان فوڊ سيڪيورٽي واري وزارت پاران هڪ سرڪاري اعلان جاري ڪيو ويو آهي.
اعلان موجب کنڊ درآمد ڪرڻ جو فيصلو ڊي ريگيوليشن پاليسي تحت ڪيو ويو آهي، جنهن تحت زرعي شين جي درآمد، برآمد ۽ اگهه مارڪيٽ جي قوت مطابق طئي ڪئي ويندو آهي.
خوراڪ جي تحفظ واري وزارت واضح ڪيو آهي ته گذريل سيزن ۾ کنڊ جي وافر ذخيرن جي ڪري برآمد ڪئي وئي هئي ۽ موجوده درآمد جو فيصلو قيمت جي استحڪام ۽ مارڪيٽ ۾ دستيابي کي يقيني بڻائڻ لاءِ ڪيو ويو آهي.
