| خالصتان تحريڪ کي قانوني تحفظ: ڪينيڊا ريفرنڊم جي اجازت ڏئي ڇڏي |
اوٽاوا(م ڊ) مودي جي پاليسين کي ڌڪ، خالصتان تحريڪ کي قانوني تحفظ ملي ويو، ميڊيا رپورٽس موجب ڪينيڊا حڪومت طرفان خالصتان ريفرنڊم کي ملندڙ قانوني تحفظ مودي جي غاصباڻي پاليسين کي شڪست آهي، سک فار جسٽس تحريڪ جي اڳواڻ گرپتونت سنگهه خالصتان ريفرنڊم لاءِ ڪينيڊا جي باضابطه اجازت جو اعلان ڪري ڇڏيو، سک فار جسٽس تحريڪ جي اڳواڻ گرپتونت سنگهه پنون جو چوڻ آهي ته پنجاب کي ڀارتي قبضي مان آزاد ڪرائڻ لاءِ 23 نومبر تي خالصتان ريفرينڊم ڪرايو ويندو، گرپتونت سنگهه وڌيڪ ٻڌايو ته ڪينيڊا جي حڪومت طرفان اجازت ملڻ کانپوءِ 23 نومبر تي بلنگز اسٽيٽ اوٽاوا ۾ خالصتان ريفرينڊم ٿيندو. هن چيو ته ريفرنڊم پنجاب کي ڀارتي قبضي مان آزاد ڪرائڻ لاءِ گولي جي مقابلي ۾ ووٽ ذريعي پرامن جدوجهد آهي. سموري سک برادري پنجاب کي ڀارتي قبضي مان آزاد ڪرائڻ ووٽ ذريعي پنهنجو حق استعمال ڪري.