دادو ميونسپل چيئرمين لاءِ بااثر ڌرين جا پ پ قيادت سان رابطا: رفيق جمالي بابن خان پنهور ۽ پير مجيب ڀاءُ کي آڻڻ لاءِ سرگرم

دادو(رپورٽ: فتاح شيخ)دادو ميونسپل چيئرمين لاءِ بااثر ڌرين پنهنجون سرگرميون وڌائي ڇڏيون آهن ۽ پ پ جي مک قيادت سان رابطا ڪري رهيا آهن،  ايم اين اي رفيق جمالي بابن خان پنهور ۽ ايم پي اي پير مجيب الحق پنهنجي ڀاءُ پير دانش کي آڻڻ لاءِ هٿ پير هڻي رهيا آهن

 ذريعن موجب پ پ تعلقه دادو جي صدر شمس الدين عرف بابن خان پنهور ۽ پ پ سٽي جي صدر خالد حسين ميراڻي ميونسپل چيئرمين لاءِ پ پ سنڌ جي صدر نثاراحمد کهڙي وٽ درخواستون جمع ڪرايون جن کان انٽريوز پڻ ڪيا ويا آهن

هي به پڙهندا

ٻئي طرف ايم اين اي رفيق احمد جمالي پ پ تعلقه دادو جي صدر بابن خان پنهور کي ۽ پ پ اڳواڻ پير مجيب الحق پنهنجي ڀاءُ پير دانش کي پارٽي ٽڪيٽ ڏيارڻ لاءِ  بلاول ڀٽو زرداري سان رابطو ڪيو آهي

 ذريعن موجب دادو ميونسپل لاءِ پارٽي قيادت پير دانش ۽ بابن خان پنهور مان ڪنهن جو به پارٽي ٽڪيٽ لاءِ نالو فائنل ناهي ڪيو ۽ امڪان ظاهر ڪيو پيو وڃي ته جلد ئي ٻنهي مان ڪنهن هڪ کي نامزد ڪيو ويندو