داد لغاري ويجهو پوليس چڙهائي، عورت مارجي وئي

داد لغاري (پنهنجي ڊيسڪ)داد لغاري ويجهو پوليس جي ڳوٺ تي چڙهائي دوران پيرسن عورت مبينا قتل ڪجهه ڏينهن اڳ انجنيئر گبول قتل ٿيو هو، ڳوٺ ڳوڌو گبول تي پوليس جي چڙهائي دوران عورت بختاور گبول مبينا طور تي مارجي وئي، ان موقعي تي عورت جي پٽ ڪمال گبول الزام هنيو ته  پوليس سان انجنيئر گبول جا وارث به گڏ هئا جن پيرسن امڙ بختاور کي گهٽا ڏئي تشدد جو نشانو بڻايو جنهن دوران هوءَ مارجي وئي، هنن چيو ته اسان جو واقعي سان تعلق نه هجڻ باوجود پوليس ڳوٺ ڳوڌو گبول تي ڪاهه ڪئي،ڳوٺاڻن جو چوڻ هو ته انجنيئر گبول جي قتل واري واقعي سان تعلق ناهي، بيگناهه ڦاسايو ويو آهي.