دنيا جو سڀ کان ننڍو ٽيسٽ: ايشز جي پرٿ ميچ ٻن ڏينهن ۾ ختم، آسٽريليا ڪامياب

پرٿ(اسپورٽس نيوز) آسٽريليا ۽ انگلينڊ جي وچ ۾ 5 ٽيسٽ ميچن تي مشتمل پهرين ايشز ميچ صرف ٻن ڏينهن ۾ ختم ٿي وئي. پرٿ ۾ کيڏيل پهرين ٽيسٽ ۾ آسٽريليا انگلينڊ پاران ڏنل 205 رنسن جو هدف صرف ٻن وڪيٽن جي نقصان تي حاصل ڪيو. آسٽريليا لاءِ ٽريوس هيڊ، شاندار بيٽنگ ڪندي صرف 83 بالن ۾ 123 رنسون ٺاهيون ۽ پنهنجي ٽيم جي فتح ۾ اهم ڪردار ادا ڪيو. ٽريوس هيڊ 69 بالن ۾ سينچري اسڪور ڪئي. پرٿ ٽيسٽ 1888 کان پوءِ اوور جي لحاظ کان کيڏيل سڀ کان ننڍو ٽيسٽ هو. ٻئي ڏينهن آسٽريليا پهرين اننگ ۾ رڳو 9 رنسن جي اضافي سان 132 رنسون. انگلينڊ جي ٽيم ٻي اننگ ۾ آسٽريليا جي پيسرن جي سامهون بيوس نظر آئي ۽ پوري ٽيم 164 رنسن تي آئوٽ ٿي وئي. ڪرالي 0، ڊڪٽ 28، پوپ 33، روٽ 8، بروڪ 0، اسٽوڪس 2، اسمٿ 15، ايٽڪنسن 37، برائڊن ڪارس 20 ۽ آرچر 5 رنسون ٺاهي آئوٽ ٿيا. ڪينگروز جي بولينڊ 4، اسٽارڪ ۽ ڊوگيٽ ٽي ٽي وڪيٽون ورتيون.