| دنيا جو سڀ کان وڏي عمر جو سهو سامهون اچي ويو |
لنڊن (انٽريسٽنگ نيوز) هڪ برطانوي جوڙي جي پالتو سهي دنيا جي سڀ کان وڏي عمر واري سهي جو اعزاز ماڻي ورتو آهي ۽ ان جو نالو گنيز بڪ آف ورلڊ رڪارڊز ۾ شامل ڪيو ويو آهي. هربي نالي هن سهي جي عمر جي تصديق 10 نومبر 2025 تي ڪئي وئي هئي. ان وقت هو 15 سال ۽ 82 ڏينهن جو هو. تازو گنيز ورلڊ ريڪارڊ انتظاميا سهي جي عمر جي تصديق ڪئي ۽ هربي کي دنيا جو سڀ کان وڏي عمر وارو سهو قرار ڏنو. هربي جي مالڪن، رچرڊ ۽ ميليسا ڊنهم جو واسطو سري سان آهي هنن چيو ته انهن هربي کي ان وقت پاليو جڏهن هو صرف اٺ هفتن جو هو.