نوابشاهه/دوڙ (رپورٽ: اياز ڏاهري+بابر وساڻ) دوڙ ڀرسان مهراڻ هاءِ وي تي خوفناڪ حادثي ۾ عورت سميت 7 مسافر فوت، 50 کان وڌيڪ زخمي ٿي پيا
ان سلسلي ۾ دوڙ ڀرسان مهراڻ هاءِ وي تي بلوچ پور اسٽاپ وٽ ڪراچي کان پشاور ۽ ميرپورماٿيلو کان ڪراچي ويندڙ ٻن ڪوچن ۾ آمهون سامهون خوفناڪ ٽڪر ٿيڻ سبب ٻئي ڪوچون هڪٻئي اندر ڦاسي پيون جنهن سبب فوتين جا لاش ۽ زخمي ڪيترائي ڪلاڪ ۾ ڦاٿل رهيا لاشن کي ڪڍڻ لاءِ ڪرين مشين گهرائي وئي، ڪرين ۽ ٻين مشينن جي مدد سان لاش ۽ زخمين کي ڪڍيو ويو
فوت ٿيلن ۾ اوٻاوڙو شهر جي ماچڪو جو رهواسي عبدالمجيد سولنگي، گهوٽڪي جو قربان علي ميراڻي، دُره بي بي زال مسري خان، گل آغا ولد بيگ نياز، بخت شير ولد شمشير خان پٺاڻ، رضيه بي بي شامل آهن
حادثي ۾ 50 کان وڌيڪ مسافر زخمي ٿي پيا زخمين ۾ رياض احمد ولد وزير احمد سولنگي ويٺل ماچڪو تعلقو صادق آباد، ساجن ولد وزير احمد سولنگي، محب علي ولد الهه وڌايو هاڪماڻي، محمد شهباز ولد رفاقت علي سولنگي، قدير ولد دين محمد سولنگي، الهه ورايو ولد پليو سولنگي شامل آهن
گهوٽڪي جو رهواسي لال بخش ولد فقير مزاري، رياض ولد دين محمد مزاري، خانپور جي رهواسڻ فاطمه زال سعيد احمد رند، محمد صائم ولد سعيد احمد رند، سعيد احمد ولد عظيم بخش رند، صادق آباد جو رهواسي عبدالصمد، مير پور ماٿيلو جو رهواسي عبدالواحيد ولد هوت خان مشوري به زخمي ٿي پيا
رحيم خان جو رهواسي سلمان ولد غلام پرويز مزاري، گهوٽڪي جو رهواسي تنوير احمد ولد بشير احمد سولنگي، نصر الله ولد فقير الله سولنگي، پشاور جو رهواسي ابراهيم ولد الياس پٺاڻ، شهزاد ولد ڪشڪول پٺاڻ، رحيم يار خان جو رهواسي محمد زاهد ولد جان محمد ملڪ به زخمين ۾ شامل آهن
گهوٽڪي جو گلاب ولد محمد اسماعيل ڊکڻ، محمد حسن ولد ڄام گودو، حفيظ ولد محمد حسن سولنگي، الهه ڏنو ولد عبداخالق لاشاري، ثناءُ الله ولد محمد شريف سولنگي، پشاور جي رهواسڻ مديحا ڌي شفيق احمد پٺاڻ، ماچڪو جو رهواسي پهلوان ولد عثمان سولنگي، ثناءُ الله ولد دين محمد سولنگي، ذاڪر ولد دين محمد سولنگي، محمد ايوب ولد فقير سولنگي، گهوٽڪي جو رهواسي صداقت علي ولد محمد صديق بوزدار، الياس ولد حاجي رانو بوزدار به زخمي ٿي پيا
صادق آباد جو رهواسي شعبان ولد غلام رسول سومرو، اصغر علي ولد رشيد شيخ، گهوٽڪي جو رهواسي شير محمد ولد مير محمد ميراڻي، اوٻاڙي جو رهواسي شهزاد ولد نذير احمد سولنگي، سجاد ولد افضل سولنگي، ماچڪو جو رهواسي اظهر علي نادر ماڇي، ڪشمور جو رهواسي باقر ولد الهه ڏتو سولنگي، جاويد ولد الهه ڏتو، گهوٽڪي جو رهواسي نور محمد ولد محمد اسماعيل ملڪ، پشاور جو رهواسي تاج محمد ولد شيرين خان پٺاڻ شامل آهن
