رائونتي ويجهو مارجي ويل ٻن ڄڻن سميت مغوين تي تشدد جون وڊيوز وائرل

رائونتي (رپورٽ مظهر حسين چاچڙ) ڌاڙيلن رائونتي ويجهو ماريل ٻن ڄڻن سميت مغوين تي تشدد جون وڊيوز وائرل ڪري ڇڏيون آهن جنهن سبب علائقي ۾ خوف ۽ هاراس ڦهلجي ويو آهي

وائرل ڪيل وڊيوز ۾ مغوين تي ڌاڙيلن پاران ڪيل بدترين تشدد کي ڏسي سگهجي ٿو جڏهن ته سندن بازيابي لاءِ ڪروڙين رپيا ڀنگ گهرن سميت مختلف مطالبا پڻ ڪيا ويا آهن

سوشل ميڊيا تي وڊيوز وائرل ٿيڻ بعد علائقي ۾ سخت خوف ۽ هراس ڦهلجي ويو آهي ، عوام طرفان آءِ جي سنڌ سميت پوليس آفيسرن ۽ بااثر سياسي ڌرين کان مطالبو ڪيو پيو وڃي ته مغوين کي بازياب ڪرايو وڃي

هي به پڙهندا

ٻئي طرف مارجي ويل ٻنھي مغوين جي لاشن کي اوٻاڙو اسپتال منتقل ڪيو ويو آھي، بازياب ٿيلن ۾ ثناءُ الله ،ساجد عباس ،رضوان، وارث علي شامل آهن جنهن مان هڪڙي مغوي کي گوليون لڳل آهن باقي 3 به بدترين تشدد جو نشانو بڻيل آهن

 ياد رهي ته گذريل ڏينهن ڌاڙيلن وٽ باندي بڻايل 6 مغوين مان هڪڙي مغوي پھري تي ويٺل ڌاڙيل نٿو شر کي ننڊ اچڻ بعد انھي جو هٿيار کڻي سندس کي گوليون هڻي قتل ڪري ڇڏيو هو

نٿو شر کي ماريندڙ مغوي بعد ۾ سڀني مغوين کي آزاد ڪرائي ڀڃڻ لڳا هئا ته ڌاڙيلن جي ساٿين سوين گوليون هڻي ٻن مغوين اڪرم ۽ ياسين کي بيدرديءَ سان قتل ڪري ڇڏيو هو جنهن جو تعلق پنجاب جي علائقي سرگودھا ۽فيصل آباد سان هو

 هن وقت تائين باقي مغوين کي علاج لاءِ اوٻاوڙو اسپتال آندو ويو وارثن جي اچڻ بعد لاش ۽ مغوين کي انهن حوالي ڪيو ويندو