رابطا مڪمل بند ناهن، ڳالهيون وري ٿي سگهن ٿيون: بي بي سي

لنڊن (م ڊ) بي بي سي چيو آهي ته آمريڪا ۽ ايران وچ ۾ ڳالهيون وري به ٿيڻ جو امڪان آهي آمريڪي نائب صدر جي ڊي وينس جي پاڪستان مان وڃڻ بعد رپورٽون سامهون آيون ته آمريڪا ۽ ايران جي وچ ۾ اڻ سڌي طرح ڳالهيون پاڪستان ذريعي جاري آهن. آمريڪي عملدارن يا ايرانين طرفان ان جي سرڪاري طور تي تصديق نه ڪئي وئي آهي. تنهن هوندي به اهڙا اشارا آهن ته مفاهمت ۽ پردي پويان رابطن جا دروازا مڪمل طور تي بند نه ڪيا ويا آهن. هن وقت نازڪ جنگ بندي جو مستقبل، وڌندڙ عالمي بدامني ۽ جنگ ۾ ڦاٿل بيشمار ماڻهن جون زندگيون غيريقيني آهن.