روايتي گاڏي يا گهوڙو نه؟ “ڪنوار بائيڪ” تي اچي وئي، ڄاڃي دنگ

ڀوپال (انٽريسٽنگ نيوز) ڀارتي رياست مڌيا پرديش جي شهر ڀوپال ۾ هڪ ڪنوار پنهنجي شادي ۾ نئين انداز سان سڀني مهمانن کي حيران ڪري ڇڏيو. هن شادي ۾ روايتي گاڏي يا گھوڙي جي بدران هيوي بائيڪ تي سوار ٿي انٽري ڏني، جيڪا انسٽاگرام تي وائرل ٿي وئي. وڊيو ۾ ڪنوار ڳاڙهن ڪپڙن  ۾ پُراعتماد انداز ۾ بائيڪ هلائيندي شادي ۾ انٽري ڏئي رهي آهي، ان دوران شادي ۾ موجود مهمان تاڙيون وڄائي موبائل فونز سان منظر رڪارڊ ڪندي  نظر آيا. وڊيو جي ڪيپشن  ۾ “هاءِ بائيڪ واري ڪنوار” لکيو ويو، صرف ڪجهه ڏينهن ۾  ويڊيو کي 18 لک کان وڌيڪ ويوز ملي چڪا آهن. صارفين ڪنوار جي ان  منفرد  انٽري جي وڏي تعريف ڪري رهيا آهن. وڊيو ۾ ڪنوار بائيڪ تي بيٺي نظر اچي ٿي، جڏهن ته اها اسموگ ۾ بائيڪ هلائيندي نظر  اچي ٿي. شادي ۾ موجود رشتيدار ۽ مهمان خوش نظر اچي رهيا آهن،  انوکي انٽري سان ڪنوار پنهنجي شادي کي هڪ يادگار تجربو بڻايو هاڻي اهو نئون رجحان شروع ٿي سگهي ٿو.