روبوٽ بنا ساهي جي 65 ميل هلي عالمي رڪارڊ جوڙي ورتو

شنگهائي (انٽريسٽنگ نيوز) روبوٽ بنا رڪجڻ جي 65 ميل هلي عالمي رڪارڊ جوڙي ورتو . پرڏيهي خابرو اداري جي رپورٽ موجب چيني ڪمپني ايگي بوٽ جي اي نالي انسان جهڙي روبوٽ  انوکو ڪارنامو سرانجام ڏنو آهي. اوڀر چين جي صوبي جيانگسو جي جنجي ڍنڍ کان ان  روبوٽ هلڻ شروع ڪيو ۽ ٽن ڏينهن ۾65 ميل پنڌ ڪيو. ڪمپني موجب ان عرصي دوران اي 2 روبوٽ مجموعي طور 106 ڪلوميٽر جو فاصلو طئي ڪيو اهڙي ريت اي 2 روبوٽ سڀ کان وڌيڪ فاصلو طئي ڪري گنيز بڪ آف دي ورلڊ رڪارڊ ۾ پنهنجو نالو لکرائي ڇڏيو . اي 2 روبوٽ اهو فاصلو بنا رڪجڻ جي طئي ڪيو ۽  ان لاءِ هاٽ سو ايپ ايبل بيٽري سسٽم جو استعمال ڪيو ويو ته جيئن روبوٽ لاڳيتو هلندو رهي. ايگي بوٽ ڪمپني جي سينئر نائب صدر وانگ چوانگ ٻڌايو ته ٻن صوبن وچ ۾ روبوٽ جو هلڻ ان ٽيڪنالاجي جي مضبوطي کي ظاهر ڪري ٿو. ڇاڪاڻ ته جيانگسو کان شنگهائي تائين لاڳيتو هلڻ اڪثر ماڻهن لاءِ به ممڪن نٿو هجي. سندس چوڻ هو ته ان چيلينج سان اي 2 روبوٽ جي برداشت جي قوت، هارڊ ويئر مضبوطي ۽ توازن جهڙيون صلاحيتون ثابت ٿين ٿيون.